യുക്തിവാദത്തിന്റെയും ഭക്തിയുടെയും ഇഴുകിച്ചേരലാണ് മഹത്വം

By Source, Fair use, https://en.wikipedia.org/w/index.php?curid=49829110

വാക്കുകളുടെ സുന്ദരമായ ക്രമീകരണത്തെക്കുറിച്ചു മികച്ച ഉദാഹരണമായി തൻറെ ഗണിതത്തിനു ഒരു വ്യാഖ്യാനം ( An Apology to Mathematics ) എന്ന പുസ്തകത്തിൽ ജി എച് ഹാഡി  ഷേക്‌സ്‌പി യറുടെ രണ്ടു വരികൾ ഉദ്ധരിക്കുന്നുണ്ട് .After life's fitful fever ,he sleeps well.( ജീവിതത്തിന്റെ അപസ്മാര പ്പനി ക്കു ശേഷം അയാൾ സുഖമായി ഉറങ്ങുന്നു )  ഈ വരികളെ കുറിച്ച് ആലോചിക്കുമ്പോൾ ഹാഡി തീർച്ചയായും ശ്രീനിവാസ രാമാനുജനെ കുറിച്ചും ജീവിതത്തിൽ അദ്ദേഹം നേരിട്ട കഷ്ട്പ്പാടുകളെ  കുറിച്ചും ആലോചി ച്ചിരിക്കണം .ആ ഹൃദയങ്ങൾ   തമ്മിൽ അത്രയേറെ ഇഴയടുപ്പം ഉണ്ടായിരുന്നു . ഹാഡി എന്ന നിരീശ്വരവാദി ഇല്ലായിരുന്നെകിൽ ശ്രീനിവാ സ രാമാനുജൻ എന്ന് നാമറിയുന്ന ഗണിതശാസ്ത്രജ്ഞൻ  ഉണ്ടാകുമായിരുന്നില്ല .യുക്തിവാദത്തിന്റെയും ഭക്തിയുടെയും സംസ്കാരങ്ങളു ടെ ഇഴുകിച്ചേരലാണ് മഹത്വം എന്ന സന്ദേശം നൽകുന്ന സിനിമ യാണ്  പയ്യന്നൂർ  ഓപ്പൻ ഫ്രെയിം പ്രവർത്തകർ ഇന്നലെ മലയാളം സബ് ടൈ റ്റിലോടെ പ്രദർശിപ്പിച്ചത് . The Man who Knew Infinity എന്ന ചലച്ചിത്രം നാമറിയുന്ന  രാമാനുജന്റെ ജീവിതത്തിന്റെ അറിയാത്ത ഏടുകൾ കാണിക്കുന്നതോടൊപ്പം ജി എച് ഹാർഡി   എന്ന മനുഷ്യസ്നേഹിയെ കുറിച്ച് വിശദമാക്കു ന്നുമുണ്ട് .പ്രതിഭാ വിലാസത്തിൽ ഒരു ഇന്ത്യാക്കാരനെ അംഗീകരിക്കാൻ ബ്രിട്ടീഷ് ബുദ്ധിജീവികൾ തയ്യാറാ കുന്നതോടൊപ്പം  സ്വാത ന്ത്ര്യസമര കാലഘട്ടത്തിൽ ഇന്ത്യക്കു അനുകൂലമായ അഭിപ്രായഗതി ഉള്ള  ബ്രിറ്റിഷുകാരുടെ എണ്ണം കൂടുന്നതിനും രാമാനുജന്റെ പ്രതിഭക്കും ഹാഡിയുടെ പിന്തുണക്കും കഴിയുന്നു എന്നതും ഈ ചലച്ചിത്രം ശ്രദ്ധയിൽ കൊണ്ടുവരുന്നു ,വർഗീയതയാണ് സ്വർഗീയത എന്ന തെറ്റായ സന്ദേശം പ്രചരിപ്പിക്കുന്ന ഈ കാലഘട്ടത്തിൽ വ്യത്യസ്ത മത ആശയങ്ങളുടെ ഉദാത്തമായ ഒന്നുചേരൽ കൊണ്ടുണ്ടാകുന്ന ഉയർച്ച അടിവരയിട്ടു കാണിക്കുന്ന ഈ സിനിമ നമ്മുടെ പുതു തലമുറ തീർച്ചയായും കണ്ടിരിക്കേണ്ടതാണ് .ഒന്നാം ലോക മഹായുദ്ധം  അക്കാഡമിക്  പ്രവർത്തനങ്ങളെപ്പോലും ബാധിക്കുന്ന നേരിട്ടുള്ള ഒരു ദുരിതാനുഭവമായി സിനിമയിൽ നിറയുന്നു .യുദ്ധത്തിൽ പുതിയ ആയുധങ്ങളുണ്ടാക്കുന്നതിനു വേണ്ട ആശയങ്ങൾ നൽകാനായി ലിറ്റൽവുഡ് എന്ന ഗണിത ജ്ഞന് അദ്ദേഹം അത് ഇഷ്‍ടപ്പെടുന്നില്ലെങ്കിൽ പോലും യുദ്ധക്കളത്തിലേക്ക് പോകേണ്ടി വരുന്നു .യുദ്ധവിരുദ്ധത എന്ന സ്വന്തം കാഴ്ചപ്പാടിന്റ്റെ ബലത്തിൽ ഹാഡിക്കു  യുദ്ധത്തിൽ ഇടപെടാതെ പിടിച്ചുനിൽക്കാൻ കഴിയുന്നുണ്ട് .എന്നാൽ രാമാനുജന്റെ ആരോഗ്യ പ്രശ്നങ്ങളിൽ കാര്യമായി ഇടപെടാൻ അദ്ദേഹത്തിന് കഴിയാതെ വരുന്നുമുണ്ട് .

വ്യക്തിപരമായി എനിക്ക് ഒരു  ഗണിതാദ്ധ്യാപകൻ എന്ന നിലയിലും ഇംഗ്ലീഷ് അദ്ധ്യാപകനെന്ന നിലയിലും  ഗൃഹാതുരത്വ മുണർത്തുന്ന ഓർമകളുണർത്തിയ ചിത്രം കൂടിയായിരുന്നു
The Man who Knew Infinity .പത്താം ക്‌ളാസിൽ രാമാനുജന്റെ പ്രതിഭാവിലാസത്തെ സൂചിപ്പിച്ചു കൊണ്ടുള്ള ഒരു ജീവ ചരിത്രകുറിപ്പു പഠിപ്പിച്ചത് ഓർക്കുന്നു .ഹാഡിയുമായുള്ള രാ മാനുജന്റെ നിർണായക കണ്ടുമുട്ടലും   1729 എന്ന മാന്ത്രിക സംഖ്യയും ഒക്കെ കുട്ടികൾക്ക് പറഞ്ഞു കൊടുത്തത് അവരുടെ ജീ വിതത്തെക്കുറിച്ചു ഇത്രയും ഉൾക്കാഴ്ച ഇല്ലാതെ യായിരുന്നു .  ബി എഡ് പഠനകാലം മുതൽ ഒന്നിച്ചുള്ള പ്രിയ സുഹൃത്തുക്കൾ ദേവരാജൻ മാസ്റ്ററും രാഘവൻ മാസ്റ്ററും തൊട്ടടുത്തുണ്ടായിരുന്നു എന്നതും പ്രിയകരമായൊരു അനുഭവമായിരുന്നു .


രോഗബാധിതനെങ്കിലും അറിയപ്പെടുന്ന ഒരു ഗണിതശാസ്ത്രജ്ഞനായി ഇന്ത്യയിൽ 1919 ൽ തിരിച്ചെത്തുന്ന രാമാനുജൻ ഇന്ത്യയിൽ സ്വീകരിക്കപ്പെടുന്നതിനെ കുറിച്ചും ഇന്ത്യയിൽ പിന്നീടുള്ള അദ്ദേഹത്തിന്റെ അനുഭവങ്ങളെ കുറിച്ചും കുറച്ചുകൂടെ കാര്യങ്ങൾ സിനിമയിൽ ഉണ്ടാകണമായിരുന്നു .പകരം മരണത്തിനു മുമ്പുള്ള ഹ്രസ്വമെങ്കിലുംപ്രശസ്തി യുടെയും രോഗാനുഭവത്തിന്റെയും വിരുദ്ധാനുഭവങ്ങളിൽ തീക്ഷ്ണമായ ആ കാ ലഘട്ടത്തെ നമ്മുടെ ഭാവനക്ക് വിട്ടു തന്നു കൊണ്ട് ഹാ ഡിയുടെ  കാഴ്ചപ്പാടുകളിലേക്ക് ചിത്രം തീരുകയാണ് . അനന്തതയെ അറിഞ്ഞ സംഖ്യകളെ സ്നേഹിച്ച  അനശ്വരതയിലേക്കു ചുവട് വെച്ച ആ രണ്ട് പ്രതിഭാശാലികളേയും തുല്യ പ്രാധാന്യത്തോടെ അവതരിപ്പിക്കനായി രുന്നു സംവിധായകൻറെ ശ്രമം .ഈ ചിത്രം ശ്രദ്ധയിൽ പ്പെടുത്തിയ ഓപ്പൺ ഫ്രെയിം പ്രവർത്തകർക്ക് പ്രത്യേക നമസ്കാരം

വിയോജിപ്പ് ജനാധിപത്യത്തിൻറെ കാതലായ ഭാഗമാണെന്നു

പേരുകേട്ട   പയ്യന്നൂർ  ഓപ്പൺ ഫ്രെയിമിന്റെ  അടൂരിനോപ്പം  എന്ന പരിപാടിയിൽ ഞാൻ പങ്കെടുക്കുകയും വേദിയിൽ സംസാരിച്ചവരെ കേൾക്കുകയും ചെയ്തു .dissent ( വിയോജിപ്പ്) ജനാധിപത്യത്തിൻറെ കാതലായ ഭാഗമാണെന്നും എതിരഭിപ്രായം പറഞ്ഞത് കൊണ്ട് അത്തരം ആളുകൾ അന്യഗ്രഹത്തിൽ പോയി താമസിക്കട്ടെ എന്ന് പറയുന്നത് ഫാസിസ്റ്റു രീതികളുടെ ഭാഗമാണെന്നും പൊതുവെ വിലയിരുത്തപ്പെട്ടു .ഇത്തരം കാഴചപ്പാടുകൾക്കെതിരെ അതിശക്തമായ ജനകീയ പ്രതിഷേധം ഉയർന്നു വരണമെന്നും അഭിപ്രായമുണ്ടായി .സദസ്സിന്റെ അഭിപ്രായം ചോദിക്കാതെ ( ഒരു ചർച്ചക്കും അവസരം നൽകാതെ )അധ്യക്ഷൻ ചടങ്ങു അവസാനിപ്പിക്കുകയും സിനിമാ പ്രദർശനം തുടങ്ങുന്ന നടപടികളിലേക്ക് നീങ്ങുകയും ചെയ്തു.സിനിമ യെക്കുറിച്ചു  വിശദീകരിക്കാൻ ശ്രീ മുരളിയെ  അധ്യക്ഷൻ വിളിച്ച നിമിഷത്തിൽ  എൻറെ പ്രിയസുഹൃത്തു രാഘവൻ മാസ്റ്റർ  സദസ്സിൽ നിന്ന് എഴുന്നേൽക്കുകയും   അടൂരിനൊ പ്പം എന്ന പരിപാടിയുടെ മെസ്സേജ് പുറത്തു എത്തിക്കുന്നതിന് ഓപ്പൺ ഫ്രെയിമിന്റെ നേതൃത്വത്തിൽ നടപടികളുണ്ടാവണ്ടേ എന്ന് ചോദിക്കുകയും ചെയ്തു .അദ്ധ്യക്ഷൻ  അതിനൊരു വിശദീകരണം നടത്തുകയും തുടർന്ന്  വിഷയത്തെ കുറിച്ച് സദസ്സിൽനിന്നും രണ്ടു പേർ വിഷയത്തെ കുറിച്ച് സംസാരിക്കുകയും(എതിരഭിപ്രായങ്ങളൊന്നുമുണ്ടായില്ല ) ചർച്ച അവിടെ നിർത്തി സിനിമാ പ്രദർശനം തുടങ്ങുകയും ചെയ്തു .(സമയം വൈകിയിരുന്നു .7 മണി .)

സദസ്സിന്റെ അഭി പ്രായങ്ങൾക്കു ഇടം നല്കാതെയുള്ള നടപടിക്രമങ്ങളുണ്ടായത് അഭിപ്രായ സ്വാതന്ത്ര്യത്തിനു വേണ്ടിയുള്ള ഒരു പോരാട്ടത്തിന്റെ ഭാഗമായ ഒരു ചടങ്ങിന് ഭൂഷണമായില്ല എന്ന് എനിക്ക് തോന്നി.

ഒരാളെ  നിർബന്ധിച്ചു ഒരു മതത്തിന്റെ പ്രാർത്ഥനാവാക്യങ്ങൾ വിളിപ്പിക്കുന്നതിനെതിരെയാണ് അടൂർ ഗോപാ ലകൃഷ്‍ണൻ സംസാരിച്ചത് .അല്ലാതെ ജയ് ശ്രീറാം എന്ന് വിളിച്ചതിനു എതിരെയല്ല .പക്ഷെ പിന്നീട് വരുന്ന വിശദീകരണങ്ങളിലെല്ലാം കാണുന്നത് പോലെ " ജയ് ശ്രീറാം എന്ന് വിളിച്ചതിനു എതിരെയാണ് അടൂർ സംസാരിച്ചത് "എന്ന നിലപാടിൽ നിന്ന് കൊണ്ടാണ് അടൂരിനെ പിന്നെയും വാക്കുകൾ കൊണ്ട് ആക്രമിക്കുന്നത് .ഇത് വളരെ ആസൂത്രിതവും ദുഷ്ട ലാക്കോടെയുള്ളതുമാണ് .കളവു പ്രചരിപ്പിച്ചു വൈകാരികത സൃഷ്ടിച്ചു ആൾക്കൂട്ടങ്ങളെ  ഇളക്കിവിടുന്ന  ഫാസിസ്റ്റു  തന്ത്രമാണ് ഇത് .ഒരു ചാനൽ മാത്രം കാണുകയും ഒരു പത്രം മാത്രം വായിക്കുകയും വായിച്ചതു  കണ്ണടച്ച് വിശ്വസിക്കുകയും ചെയ്യുന്ന ആളുകളെ( അത്തരം ആളുകളാണ് ഭൂരിപക്ഷം പേരും .) ഇത്തരം വൈകാരിക പ്രസ്താവനകൾ കൊണ്ട് ഇളക്കിവിടാനും എളുപ്പമാണ് .ഫാസിസത്തിനെതിരെ നിങ്ങൾ എത്ര യുക്തിപൂർവം സംസാരിച്ചാലും അത് സാധാരണക്കാരായ ആളുകളിലേക്ക്‌ എത്തുന്നില്ലെങ്കിൽ എന്തു പ്രയോജനമാണ്  ? ആളുകളുടെ / പുതിയ തലമുറയുടെ  ടി വി / പത്ര / പുസ്തക വായനകളിലെല്ലാം ബഹുസ്വരതയുടെ സന്ദേശങ്ങൾ എത്തേണ്ടതുണ്ട് .ഞാനും എൻ്റെ പാർടിയും മാത്രം ശരി എന്നതിന് പകരം എതിരഭിപ്രായത്തെ മാനിക്കുകയും എതിരഭിപ്രായത്തിനു / അങ്ങിനെ സംസാരിക്കുന്നവർക്കും ഇടം നൽകി കൊണ്ട്  പ്രവർത്തിക്കുകയും ചെയ്താൽ മാത്രമേ ഈ മാറ്റം സാദ്ധ്യമാവുകയുള്ളൂ . ജനാധിപത്യത്തിലേക്കുള്ള ഈ ചുവടു മാറ്റം  നമ്മുടെ സ്വന്തം വീടിൻ്റെ ചുറ്റു വട്ടത്തു നിന്നും തുടങ്ങുകയും വേണം .ഫാസിസത്തിന് വളരാനുള്ള ശീലങ്ങൾ സമൂഹത്തി ൽ ഉണ്ടാക്കുന്നതിനു അധികാരത്തിനു വേണ്ടിയുള്ള നമ്മുടെ അടവ് തന്ത്രങ്ങൾ ( നുണ പ്രചാരണങ്ങൾക്കും  ഹിംസക്കും തെരുവുകളുടെ ആധിപത്യത്തിനും നൽകുന്ന പ്രാധാന്യം ) കാരണമായിട്ടില്ലേ ? അധികാര രാഷ്ട്രീയത്തിന്റെ ഇരുണ്ട സാധ്യതകളാണ് നമ്മെ തുറിച്ചു നോക്കുന്നത് .സത്യം തുറന്നു പറയുന്നവന് അകത്തു നിന്നും പുറത്തു നിന്നും ചവിട്ടാണ് .അകത്തു നിന്ന് വാങ്ങണോ പുറത്തു നിന്ന് വാങ്ങണോ എന്ന് ഒരാൾക്ക് വേണമെങ്കിൽ തീരുമാനിക്കാം എന്ന ഒരു ഓപ്ഷൻ ഉണ്ട് .

അടൂർ തൻ്റെ സിനിമകളിൽ(എലിപ്പത്തായം ,കൊടിയേറ്റം , മതിലുകൾ,വിധേയൻ ) ഈ ഓപ്ഷനെ കുറിച്ച് വളരെ വിശദമായി ചർച്ച ചെയ്തിട്ടുണ്ട് എന്നതാണ് ഇരുപക്ഷങ്ങൾക്കും അദ്ദേഹം അനഭിമതനായിതുടരാൻ കാരണം .എന്ത് കൊണ്ടാണ്  താങ്കളുടെ സിനിമകളിൽ( മതിലുകൾ,വിധേയൻ  ) സംഘർഷങ്ങൾ , തൂക്കിക്കൊല്ലൽ പോലെയുള്ള രംഗങ്ങൾ ഒഴിവാക്കുന്നത് എന്ന ചോദ്യത്തിന് അടൂർ നൽകിയ മറുപടി ഞാൻ ഹിംസയെ  വെറുക്കുന്നു എന്നാണ് . I  hate violence  .  ഇത് ഒരു കലാകാരന് ഉള്ള സ്വാതന്ത്ര്യമാണ് .ആ  സ്വാതന്ത്ര്യത്തെയാണ്  ഫാസിസ്റ്റു  മനസ്സുകൾ ഭയക്കുന്നത് .ഗാന്ധി വധത്തിനു ഏറെ വർഷങ്ങൾക്കു ശേഷവും ഗാന്ധിയുടെ വേഷം കെട്ടിച്ചു ആ രൂപത്തിന് നേരെ വെടിയുതിർത്തു ചോരയൊഴുക്കുന്നതായി കാണിച്ചു അർമാദിക്കുന്ന ആൾക്കൂട്ടങ്ങളെ നിർമ്മിക്കുന്ന ഒരു പ്രത്യയ ശാസ്ത്രത്തിന് ഉൾക്കൊള്ളാവുന്ന ഒരു സമീപനമല്ല ല്ലോ ഇത് .

മരണാനന്തരം മൃതദേഹം ,അവയവങ്ങൾ ഒക്കെ വിട്ടു കൊടുക്കുന്നതിനെപ്പറ്റി

പ്രിയ സുഹൃത്തുക്കളെ

വളരെ മുൻപെ തന്നെ നമ്മുടെ ചില സൗഹൃദ കൂട്ടായ്മകളിൽ ആലോചിക്കുകയും എന്നാൽ നടപ്പിൽ വരുത്താൻ സാധിക്കാതെ പോയതുമായ ഒരു സംഗതിയാണ്  മരണാനന്തരമുള്ള  നമ്മുടെ  നേത്രദാനം, മൃതദേഹങ്ങൾ മെഡിക്കൽ വിദ്യാർത്ഥികൾക്ക് പഠനത്തിനായി വിട്ടുകൊടുക്കുക.., മസ്തിഷ്ക്ക മരണം സംഭവിച്ചാൽ അവയവദാനം ചെയ്യുക തുടങ്ങിയ കാര്യങ്ങൾ...

നടപ്പിൽ വരുത്താൻ സാധിക്കാതെ പോയത്  സമ്മതപത്രം ലഭിക്കാതിരുന്നതു കൊണ്ടല്ല...മറിച്ച് പല തിരക്കുകൾക്കിടയിൽ ഈ സംഗതി  വിട്ടു പോയി എന്നതു കൊണ്ടാണ്.


ഇപ്പൊ ഈ ആശയം വീണ്ടും വന്നത് നമ്മുടെ ഗ്രൂപ്പംഗം സതീശൻ കാഞ്ഞിരങ്ങാട്  ഈ വിഷയത്തെപ്പറ്റി സൂചിപ്പിച്ചതു കൊണ്ടാണ്..

മരണാനന്തരം മൃതദേഹം ,അവയവങ്ങൾ ഒക്കെ വിട്ടു കൊടുക്കുന്നതിനെപ്പറ്റി നമുക്കും ഒന്നാലോചിച്ചാലോ...

എല്ലാവരും അഭിപ്രായങ്ങൾ പറഞ്ഞാൽ നന്നായി.

ഇങ്ങനെയൊരു സമ്മതപത്രം തരണമെന്ന യാതൊരു വിധ നിർബന്ധവും  ഈ അറിയിപ്പിൽ ഉൾച്ചേർന്നിട്ടില്ലെന്നറിയിക്കട്ടെ...

ആദ്യം ഒരു ചർച്ച ഇതുമായി ബന്ധപ്പെട്ട് ഉണ്ടായാൽ പല സംശയങ്ങളും ദുരീകരിക്കപ്പെടും...

സമ്മതപത്രം കൊടുക്കുവാൻ താൽപര്യമുള്ളവർക്ക് ഒരുമിച്ച് അത് ചെയ്യാം...
സർഗവേദി.. റീഡേഴ്സ് ഫോറം.. A FS  ഇവയുടെ നേതൃത്വത്തിലും ഇത് ചെയ്യാവുന്നതാണ്...

എന്തായാലും ആദ്യഘട്ടമെന്ന നിലയിൽ അഭിപ്രായങ്ങൾ ക്ഷണിക്കുന്നു..😊




നല്ല ആശയം. ഞാൻ ഇതിനകം തയ്യാർ.മരണാനന്തര ചടങ്ങുകൾ വേണ്ട എന്ന അഭിപ്രായക്കാരനുമാണ്. ജീവിച്ചിരിക്കുമ്പോഴാണ് ഒരു വ്യക്തിക്കു വേണ്ട കാര്യങ്ങൾ ആകാവുന്നത് ചെയ്തു കൊടുക്കേണ്ടത്.ഗിരീഷ് കർണാട്  സ്റ്റേറ്റിന്റെ ആദരവു എന്ന പേരിൽ നടത്തുന്ന മരണാനന്തര ചടങ്ങു ( വെടി 😫) പോലും വേണ്ട എന്ന് എഴുതി വെച്ചിട്ടാണ് പോയത്. അത് വലിയ കാര്യമാണ് .മരണത്തിന്റെ ചടങ്ങുകൾ നടത്താൻ എന്ന പേരിൽ മതമൗലിക ആശയങ്ങൾ വീടുകളിൽ നിയന്ത്രണമേറ്റെടുക്കുന്നതും ഒഴിവാക്കണം.അത് അത്ര എളുപ്പമല്ല.അതിനു തക്കവണ്ണം അനാവശ്യചടങ്ങുകൾ ഒഴിവാക്കി മരണാനന്തര ചടങ്ങുകൾ നടത്താൻ കുടുംബങ്ങളെ സഹായിക്കുന്ന വിധത്തിൽ ചെറുപ്പക്കാരുടെ  "ആത്മവിദ്യാ സംഘങ്ങൾ " ഉണ്ടാകേണ്ടതുണ്ട്. എല്ലാം കഴിഞ്ഞ് മദ്യസൽക്കാരവും ഉൾക്കൊണ്ട് പിരിയുന്ന ടീമുകളിൽ നിന്നും നമ്മൾ ഉയരേണ്ടതുണ്ട്.

Poetic Justice ! Against racial discrimination

ON KATWA CASE

Poetic Justice ! While writing the Katwa order, the judge has cited a couplet . "pinha tha daam e sakht khareeb ashiyaan ke .udne hi Na paaye the giraftaar hum huye." It means like this. Near the nest of a bird there was a hunter's net .The young chick was caught in it before it could make its first flight. Under a criminal conspiracy, an innocent eight year old was kidnapped, wrongfully confined ,drugged ,raped and ultimately murdered. The perpetrators of this crime have acted in such a manner as if there's a law of the jungle prevalent in the society.The order said.( source : The new Indian Express )....the hair strands of the victim were recovered from inside devasthan. This fact coupled with other evidences on record certainly leads to an inference that the victim after her kidnapping was confined indeed in the devasthan. The judge wrote.! 

The truth that entire inhumane plot was to frighten a nomadic tribe out of the village adds to the angle of racial discrimination involved in the case.Those who swear upon the sanctity of the temple ,those who run after atheists for making fun of unscientific rituals must take an introspection on why and how a devasthan was witness to such cruelty against a child ,intolerance against a human being .Are you dreaming about citizens of India to be bound to such laws of jungle in our Nation.? It is high time the devotees of all such devasthans took a self analysis. We are stepping out of tolerance and scientific temper.

കാവ്യ  നീതി ! കത്വാ വിധി എഴുതിയ ഇന്ത്യൻ നീതി ന്യായ വ്യവസ്ഥയുടെ ഭാഗമായ ജഡ്‌ജി ഒരു ഉറുദു  കവിതാ ശകലം ഉദ്ധരിച്ചിട്ടുണ്ട് .അതിന്റെ അർത്ഥം ഇങ്ങിനെ പോകുന്നു . പക്ഷിക്കൂടിന്നരികെ വേടൻ  വല വിരിച്ചിരുന്നു .കുഞ്ഞുപക്ഷിയെ അത്  ചിറകു വിരിക്കും മുമ്പേ   അവർ വലയി ൽ കുരുക്കി .

കുറ്റകരമായ ഒരു ഗൂഡാലോചനക്കു ശേഷം നിഷ്കളങ്കയായ ഒരു എട്ടുവയസ്സുകാരി തട്ടിക്കൊണ്ടുപോകപ്പെട്ടു,തെറ്റായി തടവിലാക്കപ്പെട്ടു ,മയക്കുമരുന്ന് നല്കി പീഡിപ്പിക്കപ്പെട്ടു .അവസാനം ക്രൂരമായി  കൊല്ലപ്പെടുകയും ചെയ്തു .ഈ കുറ്റത്തിന് ഉത്തരവാദികൾ ആയവർ പ്രവർത്തിച്ചത് ഈ രാജ്യത്തു കാട്ടു നീതിയാണ് പുലരുന്നത് എന്നു കരുതിയ പോലെയാണ്  എന്നും ന്യായാധിപൻ ആ ഉത്തരവിൽ എഴുതി .....കുറ്റവാളിയുടെ  മുടിനാരുകൾ ദേവസ്ഥാനത്തു നിന്ന് കണ്ടെടുത്തു .ലഭ്യമായ മറ്റു തെളിവുകളുടേയും അടിസ്ഥാനത്തിൽ തട്ടിക്കൊണ്ടുപോകപ്പെട്ട ഇര തീർച്ചയായും ദേവസ്ഥാനത്തിലാണ് തടവിലാക്കപ്പെട്ടിരുന്നത്  എന്ന്  മനസ്സിലായെന്നും ന്യായാധിപൻ എഴുതുന്നു .

ഒരു പ്രദേശത്തു നിന്നും ഒരു ദേശാടന വിഭാഗത്തെ ആട്ടിയോടിക്കാനായി ഉണ്ടാക്കിയതായിരുന്നു  നീചമായ ഈ പദ്ധതി എന്നത് വംശഹത്യ എന്ന കാഴ്ചപ്പാടിനു  തന്നെ മുൻ‌തൂക്കം നൽകി മനസ്സിലാക്കേണ്ട സത്യമാണ് .അമ്പലങ്ങളുടെ വിശുദ്ധി യെക്കുറിച്ചു  ആണയിടുന്നവരും അശാസ്ത്രീയമായ ആചാരങ്ങളെ  കളിയാക്കുന്ന  നിരീശ്വരവാദികളുടെ വാദങ്ങളെ  അപലപിക്കാൻ പുറപ്പെടുന്നവരും  ഒരു ദേവസ്ഥാനം ഇങ്ങനെ ഒരു കുഞ്ഞിനെതിരെയുള്ള ക്രൂരതക്കു , മനുഷ്യത്വത്തോടുള്ള അസഹിഷ്ണുതക്കു  സാക്ഷിയാവുന്നത് എന്തുകൊണ്ടെന്നും എങ്ങനെയെന്നും   ഒരു ആത്മ പരിശോധന നടത്താനുള്ള സമയമാണിത് .ഇന്ത്യൻ പൗരന്മാർ ഇങ്ങിനെയുള്ള കാട്ടുനീതികൾക്കു വിധേയമാണെന്നാണോ നിങ്ങൾ കരുതുന്നത് ?ഇങ്ങിനെയുള്ള എല്ലാ ദേവസ്ഥാനങ്ങളുടേയും ആരാധകർ സ്വയം വിലയിരുത്തേണ്ട നേരമായി.സഹിഷ്ണുതയുടെയും ശാസ്ത്രീയ മനോഭാവത്തിന്റേയും ലോകത്തു നിന്ന് നമ്മൾ പടിയിറങ്ങുകയാണ് !

ചിന്താമഗ്നയായ്‌ ഇരയുടെ 'അമ്മ 





Dissent 

MURALI : Radakrisnan sir ,kadavul ninaithath mattum than nadakaruth,vere onnum nadakath

CKR : No.MURALI Sir.Was it  a joke ? Was it a general statement ? I have to point out that we can't just be spectators thinking that kadavul ninaithu nan nadakkathu. The kadavul resides within you and me. "Thad thwam asi ".One has to raise oneself into godliness through better thoughts and actions. ( not by killing an innocent girl ,though she is part of a nomadic community.) What you think as kadavul ninaithu is what serene people like you and me think and practise. Only the actions of the just smell sweet and blossom in the dust. Our destiny is shaped by the actions of people like us.So I disagree with you ,with  all respect to your right to dissent.


MURALI : Sorry Sir,what is God's decision,that is our interpretation,we have the freedom to interpret.That this humans are doing.I am not a supporter of these bloody interpreters.

CKR : But still there is blood in these bloody interpretations.

THE SUCCESS STORY OF GHSS MATHIL CONTINUES......

THE SUCCESS STORY OF GHSS MATHIL CONTINUES......(even if myself was in the role of Principal !)

സയൻസ് ബാച്ചിൽ 97 ശതമാനം വിജയ o കൈവരിച്ചുകൊണ്ട് മാത്തിൽ ഗവ ഹയർ സെക്കൻ ററി സ്കൂളിൽ മികച്ച ഹയർ സെക്കൻ ററി ഫലം .

മൊത്തം വിജയശതമാനവും 2018 ലേതിനേക്കാൾ കൂടുതൽ.89 %.

17 വിദ്യാർത്ഥികൾക്ക് മുഴുവൻ വിഷയങ്ങളിലും A+.

കഴിഞ്ഞ വർഷങ്ങളിൽ സ്കൂളിൽ അച്ചടക്കത്തിന്റെയും പഠനത്തിന്റെയും അന്തരീക്ഷം ശക്തിപ്പെടുത്താൻ പി റ്റി എ യും അധ്യാപകരും നടത്തുന്ന ശ്രമങ്ങളുടെ സൽഫലമാണ് ഈ റിസൽറ്റ്.
പി റ്റി എക്കും മുൻപ്രിൻസിപ്പൽമാർക്കും അധ്യാപക സുഹൃത്തുക്കൾക്കും ( ട്രാൻസ്ഫറായി പോയവരും ട്രാൻസ്ഫറായി വന്നവരും...) അനധ്യാപക സുഹൃത്തുക്കൾക്കുമാണ്
ഈ വിജയത്തിന്റെ ക്രെഡിറ്റ്.

അഭിനന്ദനങ്ങൾ.

97 PERCENTAGE FOR SCIENCE (BIO ) BATCHES ;

81 % FOR COMPUTER SCIENCE ;

83 % FOR COMMERCE ;

OVER ALL PERCENTAGE 89 ;
FULL A + -17

DETAILS :12 results 2019; Ghssmathil:( PERCENTAGE OBTAINED IN 2018 in brackets.)

sc bio 97(86) percentage,115/119;sc computer science 81 (81)percentage,35/43; commerce 83(87) percentage ,99/119; total Ehs 249;nhs 32;pass percentage 89(86) .full A+_ 17(6) .

Thank you all for ensuring a better performance.

School toppers

1st Sreelakshmi M P 1192
2nd Amal Ramesh 1191
3rd Drisya V K V 1185

Bio science 14 full A plus
Comp scie 2 full A plus
Com 1 full A plus

Full A+
----------
1. Unnikrishnan .M.P
2. Aiswyarya .A.V
3 .Chaitha nya.K.K
4. Amal Ramesh
5.Aditya .M.P
6.Aiswyarya.A.T
7. Athira .P
8.Dresya .V.K.V
9.Harichandana .K
10. Krishnapriya.C
11. Sreelakshmi M. P
12. Srevya.M. V
13. Vy shnavi .A. T. V
14. Meenakshi.M. V
15. Sreeharsh vijayan
16. Saurav. P. V
17. Pranav Mohan

മലാല ടാകീസ് - ഒരു പഠനം _CKR

മലാല ടാകീസ് - ഒരു പഠനം by സീക്കേയാർ  ( രാധാകൃഷ്ണൻ സി കെ 9447739033 )  A STUDY ON THE STORY "MALALA TALKIES " BY V H NOUSHAD

കഥ ഒരു പുതി യ ഊർജസ്രോതസ്സാകുന്നു 
 
മലാല ടാകീസ് വി എച്  നൗഷാദ്  എഴുതി മാതൃഭൂമി ആഴ്ച പതിപ്പ് ഫെബ്രുവരിയിൽ പ്രസിദ്ധീകരിച്ച ഒരു കഥയാണ് .മാതൃഭൂമിയുടെ തുടർ ലക്കങ്ങൾ  വായിക്കാൻ ലഭിക്കാഞ്ഞതിനാൽ   അതേക്കുറിച്ചുള്ള അവലോകനങ്ങൾ വായിക്കാൻ കഴിഞ്ഞിട്ടില്ല .എന്നാൽ ആ കഥ മനസ്സിൽ ഒരു പുതി യ ഊർജസ്രോതസ്സായി നിറയുന്നു .റിട്ടയർമെന്റ് ദിനത്തിൽ  സന്ധ്യക്ക്‌ അയൽക്കാരുടേ യും  സുഹൃത്തുക്കളുടേയും സാന്നിദ്ധ്യത്തിൽ  എൻ്റെ വീട്ടുമുറ്റത്തു പള്ളം എന്ന  ഡോകുമെന്ററി കാണിച്ചപ്പോൾ അത് ഹസ്നെളേ പ്പക്കു  ഞാൻ നൽകിയ ഒരു അഭിവാദനം ആയിരുന്നു .എൻ്റെ വീട്ടിൽ എത്തിയ കൊച്ചു കൂട്ടുകാരോട് ഞാൻ പറഞ്ഞത് നമ്മൾ ഒരു മലാല ടാകീസ് തുടങ്ങുന്നു എന്നാണ് .

ഹാസ്യത്തിന്  കൊടുത്തിരിക്കുന്ന ഊന്നൽ

ഈ കഥ ക്കു മുമ്പും കഥക്കു ശേഷവും എന്ന രീതിയിൽ  ആസ്വാദനത്തിൽ ഒരു അടയാള സ്ഥാനമാകാ ൻ   ഈ കഥക്ക് കഴിയും .സാധാരണക്കാരനായ  വായനക്കാരനുമായി എളുപ്പം സംവേദിക്കാനുള്ള ശേഷിയുള്ള ഒരു ശൈലിയാണ് ഈ കഥയിലുള്ളത്,നൗഷാദിൻറെ  എഴുത്തു നർമത്തിൽ പൊതിഞ്ഞ ബഷീറിയൻ കഥകളെ ഓർമിപ്പിക്കുന്നു .ഏതു  ബഷീർ  എന്ന ചോദ്യത്തിന്  മറുപടിയായുള്ള നമ്മുടെ ഒസ്സാൻ ബഷീറോ എന്ന മറു ചോദ്യവും  തട്ടിൻ പുറത്തു സിനിമയും താഴെ മയ്യത്തു നമസ്കാരവും എന്ന സവിശേഷ സന്ദർഭവും കുഴപ്പങ്ങൾ ഓട്ടോർഷേം പിടിച്ചു വരാനിരിക്കുന്നതേയുള്ളു എന്ന ആനുകാലിക പ്രയോഗവും ഹാസ്യത്തിന്  കൊടുത്തിരിക്കുന്ന ഊന്നൽ വ്യക്തമാക്കുന്നു .

വായിക്കുന്നവരും  വായിക്കാത്തവരും തമ്മിലുള്ള  സംഘർഷം

സ്ത്രീ ശാക്തീകരണത്തിന്റെയും വായനയുടെ വീണ്ടെടുപ്പിന്റെയും സമകാലിക സാധ്യതകളിലേക്കു  കഥ നമ്മെ കൊണ്ട് പോകുന്നു .തട്ടിൻപുറത്തു ആദ്യം ഒരു ഇംഗ്ലീഷ് പഠന കേന്ദ്രവും പിന്നെ ഒരു കമലാസുരയ്യാ ഗ്രന്ഥാലയവും അടുത്ത പടി മലാല ടാക്കീസും തുടങ്ങുന്ന ഹസ നെ ളെ  പ്പ പ്രതീകാല്മക വായനക്കും സാധ്യതയുള്ള കഥാപാത്രമാണ് .നവോത്ഥാന കേരളത്തിൽ ജീവിച്ച,ജീവിക്കുന്ന  നിരവധി വ്യക്തി കളും   പ്രസ്ഥാനങ്ങളും നേരിടേണ്ടി വരുന്ന വെല്ലുവിളികളാണ്  നൊസ്സനെന്നു മുദ്രകുത്തി പലതവണ ചികിൽസിക്കപെടുന്ന ഈ മനുഷ്യന്റെ ജീവിതം എന്നെ ഓർമിപ്പിക്കുന്നത് .പരമ്പരാഗത മാർഗ്ഗങ്ങളിൽ നിന്ന് വ്യതിചലിക്കുന്നവരെ യെല്ലാം യഥാസ്ഥിതിക മനസ്സ്  നിശ്ശബ്ദമാക്കുവാൻ ശ്രമിയ്ക്കുന്നത്  ശബരിമല യിലെ സ്ത്രീ സമത്വത്തിനായുള്ള പോരാട്ടത്തിനിടയിലും നമ്മൾ അനുഭവിച്ചറിഞ്ഞതാണ് . ഈ കഥയിലെ ദ്വന്ദബലങ്ങൾ നിരീക്ഷിക്കുമ്പോഴും ഇത്തരമൊരു താരതമ്യത്തിനു സാദ്ധ്യത കണ്ടെത്താൻ കഴിയും . വായിക്കുന്നവരും  വായിക്കാത്തവരും തമ്മിലുള്ള ഒരു സംഘർഷം ഈ കഥയിലുണ്ട് .

ഫാസിസത്തിന്റെ ചർച്ച

കഥയിലെ ആൺ ജീവിതം നോക്കുക .അധികാര ശക്തികളാണ് ആണു ങ്ങളെല്ലാം .അനുസരണയും നിശ്ശബ്ദ സാന്നിദ്ധ്യവുമാ ണ് പെൺ ജീവിതത്തിനു അവർ നിശ്‌ചയിച്ചിരിക്കുന്ന ഗുണം . കഥയിലെ മൂന്നു സംഘർഷ രംഗങ്ങളിലും പെൺജീവിതത്തിനു മേൽപ്പറഞ്ഞ ഗുണം കെട്ടു പോവുന്നതായി ആൺ കഥാപാത്രങ്ങൾ അറിയുകയും ഹസ നെ ളെ  പ്പ യുടെ പ്രവർത്തനനങ്ങളാണ് പെണ്ണുങ്ങളെ വെടക്കാക്കു ന്നത് എന്നു അറിഞ്ഞു അയാളെ വീട്ടിൽ നിന്നും ഒഴിവാക്കുകയുമാണ്  നടക്കുന്നത് .എന്താണ്  നടന്നതെന്ന്  ഒരിടത്തു പോലും ഹസ്നെളെപ്പയോട് ആരും ചോദിക്കുന്നില്ല .വിചാരണയില്ലാതെ വിധിക്കുകയും  ഭ്രാന്തനെന്നു  മുദ്ര കുത്തി ഒഴിവാക്കുകയും ചെയ്യുക എന്നത് ഫാസിസത്തിന്റെ രീതിയാണ് .ആ  അർത്ഥത്തിൽ ഈ  കഥ ഫാസിസത്തിന്റെ ചർച്ചയാണ് 

വിദ്യാർത്ഥികൾക്ക്‌ ഒരു പാഠഭാഗമായി പരിഗണിക്കാം 

ഒട്ടേറെ പ്രമുഖ കഥകളും കഥാകൃത്തുകളും സിനിമകളും പ്രക്രിയകളും പ്രസ്ഥാനങ്ങളും ഒരു കാലിഡോസ്കോപ്പിലെന്ന പോലെ കടന്നു വരുന്ന ഈ കഥ  അതു കൊണ്ടു തന്നെ ആഴത്തിലുള്ള പഠനം അർഹിക്കുന്നു. ബഷീറിന്റെ വിശ്വവിഖ്യാതമായ മൂക്കും ഉറൂബിന്റെ ഉമ്മാച്ചുവും മാധവിക്കുട്ടിയുടെ എന്റെ കഥയും എംടിയുടെ മഞ്ഞും കാക്കനാടനും എം മുകുന്ദനും സാറാ ജോസഫും ഓർഹൻ പാമുക്കും ദാരിയോ ഫോയും മാർകേസും വെർജിനീയവുൾഫും സൽമാൻ റുഷ്ദിയും അമിതാവ് ഘോഷും അരുന്ധതി റോയിയും നിർബന്ധമായും വായിക്കപ്പെടേണ്ടവരാണെന്ന് വി എച്ച് നൗഷാദ് പറഞ്ഞു വെക്കുകയാണ്.ഇവരിൽ ചിലരെങ്കിലും എന്റെ വായനാ മണ്ഡലത്തിലില്ലാ എന്ന് ഞാനും വ്യാകുലപ്പെട്ടു പോയി.മലാലാ ടാക്കീസ്  എലിപ്പത്തായത്തിന്റെ പ്രദർശനത്തോടെഅടൂർ ഗോപാലകൃഷ്ണനുള്ള വാഴ്ത്തുപാട്ടായി മാറുന്നുമുണ്ട്. മറ്റൊരാളും അഗ്നിസാക്ഷിയും മതിലുകളും ഒസാമയും ബ്ലാക്ക് ബേഡും ബൈസിക്കിൾ തീവ്സും ലൈഫ് ഇസ് ബ്യൂട്ടിഫുളും ലെസ് ട്രാ ഡായും ബാൻ ഡിറ്റ് ക്വീൻ മൊക്കെ ഒരു യാഥാസ്ഥിതിക ഇസ്ലാം ഭവനത്തിലെ തട്ടിൻപുറത്ത്  ദൃശ്യോൽസവങ്ങളായി മാറുന്നത് ഫാന്റസി യായി തന്നെ കാണുന്നു. എങ്കിലും ഇത്തരം സൂചനകളിലൂടെ കഥാപാത്രങ്ങളുടെ വിങ്ങലുകളും കിനാപ്പൂക്കളും സ്ത്രീ ശാക്തീകരണത്തിന്റെ സാധ്യതകളും വെല്ലുവിളികളും ഫിലിം ഫെസ്റ്റിവലുകളുടെ ദൃശ്യസംസ്കാരം ആർജിച്ച ഒരു വായനക്കാരന്റെ  മനസിലേക്കു പകരാൻ  കഥക്കു കഴിയുന്നു. ഈ സാധ്യതകൾ മുൻനിർത്തി മലാലാ ടാക്കീസ് എന്ന ഈ കഥ കൗമാരപ്രായത്തിലുള്ള വിദ്യാർത്ഥികൾക്ക്‌ ഒരു പാഠഭാഗമായി പരിഗണിക്കാവുന്നതുമാണ്.സമീറ മക്മൽബഫും കിം കിം ഡുക്കും ഫെമിനിസവും ഖിലാഫത്തും ഇബിലീ സു കൂടലും ജിന്നു ഗർഭവും അനുസരണ പ്പി ഞ്ഞാണവുമൊക്കെ വിമർശനാത്മക ചർച്ചകളിൽ നിറയുമെന്നുറപ്പ്.തീറ്റ, പറമ്പ്, കൃഷി, ഉറക്കം എന്നീ നാലു കാര്യങ്ങൾ മാത്രം ചേർന്നാൽ ജീവിതമായി എന്നു ഇപ്പോഴും കരുതുന്ന എത്രയോ അകത്തളങ്ങളുണ്ട്.അടുക്കള അഭയമായിക്കാണുന്ന വിഷാദ ജീവികളായ പെണ്ണുങ്ങൾ എലിപ്പത്തായം എന്ന സിനിമ സാകൂതം ഉൾക്കൊള്ളുകയാണ്. അത്ര പരിചിതമായിരുന്നു അവർക്ക് ആ  എലിപ്പെട്ടിയും അതിനുള്ളിൽ പെട്ട എലികളും അവയുടെ നിസ്സഹായത്തിളക്കമുള്ള കണ്ണുകളും.കഥയും സിനിമയും അനുവാചക ഹൃദയത്തിൽ മിഴിവുള്ള ദൃശ്യ ബിംബങ്ങൾ പതിപ്പിക്കുകയാണ്. തുറിച്ച കണ്ണുകളുള്ള നടനെത്തന്നെ ( കരമന ജനാർദ്ദനൻ നായർ ) എലിപ്പത്തായത്തിലേക്കു വേണമെന്ന അടൂരിന്റെ വാശി പാഴായിട്ടില്ല.

അടിച്ചമർത്തപ്പെട്ട ജീവിതങ്ങൾ 

മലാല ടാക്കീസിലെ ആൺജീവിതം  മേൽക്കോയ്യയുടെ പ്രതീകമാണ്. ദൂരെ ചെന്നൈയിൽ ബിസിനസ് നടത്തുന്ന ഉപ്പയും പൂച്ചകളെ പോലെ നാടുകടത്തപ്പെട്ട മറ്റു പുരുഷ ബന്ധുക്കളും ഓർക്കാപ്പുറത്ത് വീട്ടിൽ തിരിച്ചെത്തുമ്പോൾ ഹ സനെ ളേപ്പയുടെ ചെയ്തികളുടെ ഫലമായി പെൺ സ്വഭാവത്തിൽ വലിയ മാറ്റങ്ങൾ കാണുകയും അതിനു കാരണക്കാരനായ നൊസ്സനെ ശിക്ഷിക്കുന്നതുമാണ് പ്രമേയം. പത്തല ടി യും തേനീച്ച ചീത്തയും ഇരുമ്പു തുടലും മാനസികാരോഗ്യ ചികിത്സാ കേന്ദ്രത്തിലേക്കു നാടുകടത്തലുമൊക്കെയാണ് ശിക്ഷാവിധികൾ. ആണുങ്ങളെല്ലാം തന്നെ മത ഭക്തി വിടാത്തവരും രാവേറെ ച്ചെല്ലും വരെ പ്രാർത്ഥനാ സ്വലാത്തിൽ മുഴുകുന്നവരും അതേ സമയം പെണ്ണുങ്ങൾ അടുക്കളയിൽ ഇല്ലെങ്കിൽ അവർ കേടായി എന്നു കരുതുന്നവരുമാണ്. പെൺജീവിതമാകട്ടെ ബിരിയാണി കല്ലുമ്മക്കാ സുലൈമാനി വിഭവങ്ങൾ തയ്യാറാക്കി വിളമ്പി മടുത്തവരും കോളാമ്പിത്താത്തയുടെ വായിൽ നിന്നു മാത്രം പുറം ലോകത്തെ കുറിച്ച് മനസിലാക്കിയവരുമാണ്. അടുക്കള അഭയമാക്കിയ ഈ വിഷാദവതികൾക്ക് പാചകം ,അലക്ക് , പാത്രം കഴുകൽ ,വീടും പരിസരവും അടിച്ചുവാരൽ എന്നിവയാണ് അംഗീകരിക്കപ്പെട്ട ജീവിത ക്രമം. അവരുടെ ജീവിതത്തിന് പുതിയൊരു തുറസ്സായി ഇംഗ്ലിഷ് പഠനവും കമല സുരയ്യ ഗ്രന്ഥാലയവും മലാല ടാക്കീസും തട്ടിൻപുറത്ത് ക്രമീകരിക്കുന്ന ഹസ്സനെ ളേപ്പ യുടെ മെലിഞ്ഞ ദേഹത്ത് പത്തല ടി ബോംബുപോലെ പതിക്കുമ്പോഴും അവർ അകത്തിരുന്ന് വിയർത്ത് പാതി ജീവനുള്ള മയ്യത്തുകളാവുകയാണ്. പുരുഷ ജഗളകൾക്ക് നിശ്ശബ്ദം വഴങ്ങുന്ന നിസ്സഹായതയാണ് ഈ യാഥാസ്ഥിതിക കുടുംബത്തിലെ സ്ത്രീ എന്നും ഈ മരവിപ്പിൽ നിന്നും പതുക്കെയാണെങ്കിലും പെൺജീവിതം കൂ ട്ടായ്മയുടെ ബലത്തിൽ ഉറക്കെ ക്കരഞ്ഞ് പ്രതിഷേധിക്കാൻ തുടങ്ങുന്നിടത്താണ് നൗഷാദ് കഥ പറഞ്ഞു നിർത്തുന്നത് . പുസ്തകങ്ങളുടെയൂം സിനിമയുടെയും ലോകത്താണ് ഈ അടിച്ചമർത്തപ്പെട്ട ജീവിതങ്ങൾ അർമാദിക്കുന്നും പുഞ്ചിരിക്കുന്നതും ഉളളിൽ പുതിയൊരു പുൽമേടും പുന്തോട്ടവും രൂപപ്പെടുന്നതും.ഹസ്സനെ ളേപ്പയുടെ അവസാന യാത്രയിൽ മറയു ന്നത് ജീവിതത്തിൻെറ വെളിച്ചമാണെന്ന് തിരിച്ചറിയാനും അവർക്ക് കഴിയുന്നു.
കഥയുടെ ശക്തിയും ദൗർബല്യവും

സിനിമയുടെ ലഹരിയിൽ വീട്ടിൽ മയ്യത്തു വന്നതും ചടങ്ങുകൾ നടന്നതും സ്ത്രീകൾ അറിയാതെ പോയ സംഭവമാണ് കഥയുടെ വഴിത്തിരിവ്.ഇത് ഒരേ സമയം ഹാസ്യ ദ്യോതകവും അതിശയോക്തിപരവുമാണ്. കഥയുടെ ശക്തിയും ദൗർബല്യവും വെളിവാക്കുന്ന ഈ രംഗം പ്രതീകാത്മകത നിറഞ്ഞതുമാണ്. ഇംഗ്ലിഷ്പ o ന വും ഗ്രന്ഥശാലാ പ്രസ്ഥാനങ്ങളും ഫിലിം സൊസൈറ്റികളുമൊക്കെയായി കാലാകാലം നവോത്ഥാനം തേടുന്ന കേരള സമൂഹം ഇപ്പോഴെന്ന പോലെ പലപ്പോഴും യാഥാസ്ഥിതികതയുടെ ചങ്ങലക്കെട്ടുകളിലേക്ക് തിരിച്ചു പോകേണ്ടി വരുന്നു. അസമത്വത്തിനെതിരെയുള്ള പാശ്വവൽകൃത ജനതയുടെ പ്രതിഷേധങ്ങൾ ചായക്കോപ്പയിലെ കൊടുങ്കാറ്റുകൾ മാത്രമായി കെട്ടടങ്ങാനും മതി. വായനയും സിനിമാസ്വാദനവുമൊക്കെ ഭ്രാന്തും ലഹരിയുമാക്കുന്നതിനപ്പുറം സമയാസമയ വിവേചനത്തോടെ ഔചിത്യപൂർവം കൈകാര്യം ചെയ്യപ്പെടേണ്ടതുമുണ്ട്. ഫെമിനിസ്റ്റ് ജമാഅത്തുകൾ ശക്തിപ്പെടാൻ മാലാലാ ടാക്കീസ് എന്ന കഥ കാരണമാകുമെന്ന് നിസ്സംശയം പറയാം.കഥ തീരുന്നിടത്ത് പ്രാർത്ഥന പോലെയുള്ള കൂ ട്ടായുള്ള ആ ഉറഞ്ഞാട്ടം മറ്റൊരു എടങ്ങേറിന്റെ സൂചനയായി പ്രതീക്ഷക്കു വക തരുന്നുമുണ്ട്.

കഥക്ക്   ഒരു മൾട്ടികളർ സിനിമയുടെ ഉൾക്കരുത്ത് .

അതിശക്തമായ ദൃശ്യ ബിംബങ്ങളാൽ സമ്പന്നമാണ് മലാല ടാക്കീസ്. കൂറ്റൻ ബോട്ടിന്റെ കൗപീന പ്പതാക പോലെ വെകിടൻ കാറ്റിലാടിക്കളിക്കുന്ന തട്ടിൻപുറത്തെ കമലാ സുരയ്യ ഗ്രന്ഥാലയം  കഥാഗതിയിൽ നിറയുന്ന അനിശ്ചിതത്വവും ആശങ്കകളും പ്രതിഫലിപ്പിക്കുന്നു. കഥയിലെ പെൺകിടാവിന്റെ സ്വപ്നങ്ങളുടെ നെല്ലിക്കാശിഖരങ്ങളെ ഹസ്സനെ ളേപ്പ വാക്കുകളുടെ തോട്ടി കൊണ്ടു കുലുക്കുന്നതും ഭാരമേൽക്കൂരക്ക് കീഴിൽ സങ്കട ഹൃദയക്കാരുടെ ജീവിതം എളേപ്പയുടെ അസാധാരണ നീക്കങ്ങൾ കൊണ്ട് ജാജ്വലമാക്കുന്നതും നേരിലെന്ന പോലെ കാണാം. ഭ്രാന്തു വരുമ്പോൾ മുന്തിരിപ്പഴത്തിന്റെ തിളക്കമുള്ള കണ്ണുകളാണ് എളേപ്പക്ക്.അങ്ങേർക്ക് ഇനിയും ഭ്രാന്തു പിടിക്കണേ എന്നു ആരും വിചാരിച്ചു പോകും. വായനയേയും നല്ല സിനിമ കാണലിനേയും കുറിച്ച് എഴുതുമ്പോൾ നിറങ്ങളുടെ ഒരു കുടമാറ്റമാണ്. അപ്പോൾ കഥ ക്ക് ഒരു മൾട്ടികളർ സിനിമയുടെ അരങ്ങാണ്. ഏങ്ങലുകളുടെയും കരച്ചിലിന്റെയും അമറലുകളുടെയും മുഖത്തു പൊട്ടിക്കലിന്റെയും പത്തല ടി യു ടെ യും ശബ്ദവിന്യാസമാകട്ടെ ബ്ലാക്ക് ആന്റ് വൈറ്റ് ദൃശ്യങ്ങളായും ഇഴചേരുന്നു.







..........തുടരും (ഇത് ഞാൻ സ്വന്തമായി എഴുതിയതാണ് .ദയവു ചെയ്തു ഫോർവേഡ് ചെയ്യരുത് .വിമർശിക്കാം -CKR )

പ്രകൃതിയുമായി സമരസപ്പെട്ടു ജീവിക്കേണ്ടതാണെന്ന്

പ്രകൃത്യുപാസകൻ ജയേഷ് പാടിച്ചാലിന്റെ നേതൃത്വത്തിൽ പ്രകൃതി ഫോട്ടോ പ്രദർശനവും അദ്ദേഹം നിർമിച്ച പള്ളം എന്ന ഡോക്യുമെന്ററിയെക്കുറിച്ചുള്ള ചർച്ചയും ടി ടി ഐ കണ്ണിവയലിൽ അദ്ധ്യാ പക വിദ്യാർത്ഥികൾക്കുള്ള റസിഡൻഷിയൽ ക്യാംപിൽ വെച്ച് നടന്നപ്പോൾ ( 08 /03/2019)

 ടി ടി ഐ കണ്ണിവയലിൽ ചെയ്‍ത പ്രസംഗം -പൂർണരൂപം

ജയേഷ് പാടിച്ചാൽ എന്ന ചെറുപ്പക്കാരൻ എടുത്ത ഫോട്ടോകളുടേയും അദ്ദേഹം സംവിധാനം ചെയ്ത ഒരു ഡോക്യൂമെന്റ റിയുടേയും പ്രദർശനത്തെ പിൻപറ്റിയുള്ള ഒരു ചർച്ചയാണ് അദ്ധ്യാപക വിദ്യാർത്ഥികളുടെ ഈ റസിഡൻഷ്യ ൽ ക്യാമ്പിൽ ഇപ്പോൾ നടക്കുന്നത് .ഇതിന്റെ ഒരു പ്രത്യേ കത ജയേഷ് ഒരു ധനാഗമ മാർഗമായല്ല ഈ പ്രോഗ്രാമിനെത്തിയത് എന്നതാണ് .ഇ ത് അദ്ദേഹത്തിന് ഒരു ജീവിതരീതിയാണ് .പ്രകൃതിയിലെ ദൃശ്യങ്ങൾക്ക് കാവൽ നിൽക്കുകയും അവയുടെ മുഗ്ദ്ധ ഭാവങ്ങൾ ക്യാമറയിൽ പകർത്തുകയും പ്രകൃതിയുമായി സമരസപ്പെട്ടു ജീവിക്കേണ്ടതാണെന്ന് സന്ദേശമുണർത്തുന്ന അര മണിക്കൂറോളം ദൈർഘ്യമുള്ള ഒരു ഡോക്യുമെന്ററി നിർമിച്ചു അത് പ്രദർശനത്തിന് എ ത്തിക്കുകയും ചെയ്യുക എന്നത് അത്ര എളുപ്പമുള്ള കാര്യമല്ല .അധ്യാപക വിദ്യാർത്ഥികൾക്ക് പല വിധ ത്തിൽ ജയേഷ് പ്രസക്തനാകുന്നുണ്ട് .

ഏഴു വർഷത്തോളം നായാടി ആയി മൃഗങ്ങളെ കൊന്നൊടുക്കി ഷാർപ് ഷൂട്ടർ ആയി സ്വയം അഹങ്കരിച്ചിരുന്നു താനെന്നു ജയേഷ് തന്നെ ഇവിടെ പറഞ്ഞിട്ടുണ്ട് .അപ്പോൾ ഇത് വാല്മീകിയുടേതിന് തുല്യമായ ഒരു വീണ്ടെടുപ്പാണ്‌ .കാരുണ്യത്തിന്റെ ലോകത്തേക്കു പുതു തലമുറയെ വീണ്ടെടുക്കുക എന്നത്‌ നമ്മുടെ ക്‌ളാസ്സു മുറികളിൽ സാധ്യമാവേണ്ടതുണ്ട് .ആ പ്രക്രിയ തുടങ്ങി വെക്കു ന്നതിന്‌ അതിനു ഈ ഡോക്യുമെന്ററി ഉപകരിക്കും .
1807 ൽ എഴുതപ്പെട്ട ദ് റെയിൻബോ (THE RAINBOW by William Words worth) എന്ന കവിതയിലേക്കാണ് ജയേഷിന്റെ ജീവിതം എന്നെ കൂട്ടികൊണ്ടു പോകുന്നത് .ഈ കവിത ആറാം തരത്തിലും എട്ടാംതരത്തിലുമൊക്കെയായി പലതവണ ക്ലാസ്സ്മുറികളിൽ എനിക്ക് ചർച്ച ചെയ്യേണ്ടി വന്നിട്ടുണ്ട് .വളരെ കുറച്ചു വരികളെ ഉള്ളൂ എങ്കിലും ആഴത്തിൽകിടക്കുന്ന ആശയങ്ങളുടെ മണിമുത്തുകൾ ഈ കവിതയുടെ ഒരു പ്രത്യേ കതയാണ്‌ .നിങ്ങളിൽ ചിലർക്കെ ങ്കിലും ഈ കവിത അറിയാമായിരിക്കും .വാൾഡൻ എന്ന തന്റെ പുസ്തകത്തിലൂടെയും സ്വജീവിതത്തിലൂടെയും തോറോ എന്ന തത്വചിന്തകനിലൂടെ പതിനെട്ടാം നൂറ്റാണ്ടിൽ സജീവമായ പ്രകൃതി ജീവനത്തിന്റേതായ ഒരു ചിന്താധാര ഈ കവിതയെ വ്യതിരിക്തമാക്കുന്നുണ്ട് .പ്രകൃതിയെ ദൈവമായിക്കാണുന്ന ,മഹത്വവൽക്കരിക്കുന്ന ഒരു ജീവിതരീതി പലപ്പോഴും പ്രയോഗികമല്ല എന്ന് പുച്ഛിക്കപ്പെടുന്നതു മാണ് .എന്നാൽ വേർഡ്‌സ്‌ വർത്തും ബൈറനും ഷെല്ലിയും യേത്‌സുമൊക്കെ പ്ര കൃതിയെ മഹത്വവൽക്കരിക്കുന്ന ഒരു ശൈലി പിന്തുടർന്നിട്ടുമുണ്ട് .ഇന്നിസ് ഫ്രീ എന്ന ശാന്തത യിലേക്ക് ഒരുനാൾ മടങ്ങാനും അവിടെയൊരു കുടിൽ കെട്ടി ഇത്തിരി പയർ വിത്തുമിട്ട് കാട്ടു തേനീഈച്ചകളുടെ മൂളലുകലുമറിഞ്ഞു തൊട്ടടുത്തുള്ള കായലിലെ ഓളങ്ങളുടെ തിരയടി സംഗീതത്തിൽ മുഴുകിക്കഴിയാനുള്ള ഒരു നാഗരികന്റെ സ്വപ്‍നമൊക്കെ ക്ലാസ്സ്മുറിയിൽ പറഞ്ഞൊപ്പിക്കാനാകും .പക്ഷെ ദ് റെയിൻബോ എന്ന കവിത ചർച്ച ചെയ്യുമ്പോൾ നാച്ചുറൽ പയറ്റി എന്ന പദത്തിന് പ്രകൃതിയോടുള്ള ഭക്തി ഭാവം എന്നർത്ഥം പറഞ്ഞും പ്രകൃത്യുപാസകരായ ചില കവികളെ ക്കുറിച്ചു പറഞ്ഞും പെട്ടെന്നു മതിയാക്കേണ്ടി വരുന്ന സമ്പ്രദായത്തിന് ഒരു അറുതിയുണ്ടായിരിക്കുന്നു .മാതൃകകളായി ജ യേഷിന്റെയും എം എൻ  നസീറിന്റെയും  ഒക്കെ ജീവിതങ്ങളെക്കുറിച്ചു നമുക്ക് പറയാം .പ്രകൃതിയിൽ അലിഞ്ഞും പ്രകൃതിയെ ഉപാസിച്ചും ഇവരെടുത്ത ഫോട്ടോകളിൽ തെളിയുന്ന പ്രകൃതി ഭാവങ്ങൾക്കു മുന്നിൽ ഉള്ള ഒരു തീവ്ര ആരാധന നമുക്ക് തിരിച്ചറിയാം .ആ മനോഭാവമാണ് വേർഡ്‌സ്‌വത് പറയുന്ന നാച്ചുറൽ പയറ്റി.ഈ കഴിവ് ജീവിതത്തിന്റെ എല്ലാ ഘട്ടങ്ങളിലും കൂടെയുണ്ടാകണമെന്നാണ് കവിതയിലെ പ്രാർത്ഥന .അത്തരം കഴിവ് നമ്മളിൽ നിലനിൽക്കുന്നില്ലെങ്കിൽ നമ്മൾ മരിച്ചതിനു തുല്യമാണ് എന്നാണ് കവിയുടെ നിരീക്ഷണം .THE CHILD IS FATHER OF THE MAN എന്ന സുപ്രധാന നിരീക്ഷണം അർത്ഥവത്താകുന്നത് പ്രകൃതിയുടെ ദിവ്യസൗന്ദര്യം ഉൾക്കൊള്ളാനുള്ള ശിശുമനസ്സിന്റെ കഴിവ് മുതിർന്ന മനസ്സുകൾ പഠിച്ചെടുക്കേണ്ടതുണ്ട്  എന്നു മനസ്സിലാക്കുമ്പോഴാണ് .  എല്ലാ പച്ചപ്പുകളും കരിഞ്ഞു തുടങ്ങുന്ന ഈ കാലഘട്ടത്തിൽ ഏറെ പ്രസക്തമായ ദർശനമാണ് മഹാകവി സൂചിപ്പിച്ചത് .നമ്മുടെ ക്ലാസ്സ്മുറികളിൽ ഈ  ഡോക്യൂമെന്ററിയും  ഫോട്ടോകളും ജയേഷിന്റെ ജീവിതവും അർത്ഥവത്തായ ഇത്തരം ചർച്ചകൾക്ക് വഴിതെളിക്കും  .

പള്ളം എന്ന ഡോക്യൂമെന്ററിയുടെ അവസാനഭാഗത്തു 2018  ലെ പ്രളയ ത്തിന്റെ ആഘാതങ്ങൾ ചർച്ചചെയ്യു ന്നിടത്തു നമ്മൾ വലിച്ചെറിഞ്ഞ പ്ലാസ്റ്റിക്കുകളൊക്കെ നമുക്ക് തന്നെ തിരിച്ചു കിട്ടിയ കാര്യം എടു ത്തുപറയുന്നുണ്ട് .എനിക്ക് ഓർമിപ്പിപ്പിക്കാനുള്ള കാര്യം ഭാവി അദ്ധ്യാപ കരെന്ന നിലയിൽ നിങ്ങൾക്ക് ഇത്തരം കാര്യങ്ങളിൽ നിർണായകമായ നിലപാടുകൾ  സ്വീകരിക്കാൻ കഴിയും എന്നതാണ് .പ്രസംഗമല്ല ,പ്രവൃത്തിയാണ് നമുക്കാവശ്യം .പ്ലാസ്റ്റിക് എറിയുന്നവർ തന്നെ അത് എടുത്തു മാറ്റാൻ തയ്യാറായാൽ അതിൽപരം ഒരു വിജയം വേറെയില്ല .2012- 13 കമ്പല്ലൂർ സ്‌കൂളിലെ നാഷണൽ സർവീസ് സ്‌കീം ,ഭൂമിത്രസേനാ ക്ലബ് ,ജെ ആർ സി ക്‌ളബ് എന്നിവയുടെ നേതൃത്വത്തിൽ നടന്ന ചാൽ ശുചീകരണ യജ്ഞത്തിലേക്കു ഞാൻ നിങ്ങളുടെ ശ്രദ്ധ ക്ഷണിക്കുന്നു .തേജസ്വിനീ നദിയിലേക്കു വെള്ളമെത്തിച്ചു കൊണ്ടിരുന്ന നാലു അരുവികളും നാട്ടുകാരുടെ പങ്കാളിത്തത്തോടെ ഞങ്ങൾ ശുചിയാക്കി .തങ്ങളുടെ സമീപത്തെ ചാലിൽ അറിയപ്പെട്ട ഓരോ പ്ലാസ്റ്റിക്കും എടുത്തു ശേഖരിച്ചു കഴുകി വൃത്തിയാക്കിയ ആ പ്രവർത്തനം പ്ലാസ്റ്റിക് വലിച്ചെറിയുന്ന ശീലം മാറ്റാൻ നാട്ടുകാരെ സഹായിച്ച ഒന്നായിരുന്നു .ഭാവിയിൽ അധ്യാപകരായി വിവിധ മേഖലകളിൽ പ്രവർത്തിക്കുമ്പോൾ സമാനമായ പ്രവർത്തനങ്ങൾ നടത്താനായി ക്ലബ് പ്രവർത്തനങ്ങൾ ഏറ്റെടുക്കുകയും ശക്തിപ്പെടുത്തുകയും ചെയ്യണമെന്നാണ് എനിക്ക് പറയാ നുള്ളത് .അദ്ധ്യാപനം എന്നത് പകൽ പത്തു  മുതൽ നാലു മണി വരെ മാത്രം ചെയ്യേണ്ട ഒന്നല്ല .അത് ക്ലാസ്സ്മുറിയുടെ നാല് ചുവരുകളിൽ ഒതുങ്ങേണ്ട ഒന്നുമല്ല .സാമൂഹത്തെ മാറ്റാനുള്ള ഉപകരണമായി അദ്ധ്യാപനത്തെ തിരിച്ചറിയേണ്ടതുണ്ട്.
ഇവിടെ ഇന്ന് സംസാരിച്ചവരിൽ ഒരാൾ ജയേഷിനെ പ്രകൃതിയെ പ്രണയിക്കുന്ന ഒരാളായി വാഴ്ത്തിയിട്ടുണ്ട് .വളരെ കൃത്യമാണത് .അത്തരമൊരു പ്രണയം കൈമുതലായി ഉള്ളവരെ പ്രകൃതി തിരിച്ചും പ്രണയിക്കും .പ്രകൃതിയുടെ ആത്മാവിനെക്കുറിച്ചു ജയേഷ് സൂചിപ്പിച്ചു .പ്രകൃതിസ്നേഹം എന്നതാണ് തന്റെ മതമെന്നും .എന്റെ ഒരു അനുഭവം പറയാം .ആക്കച്ചേരി വനത്തിനുള്ളതിൽ അതിരാവിലെ പുള്ളിമാനുകളെ കാണാമെന്ന പ്രതീക്ഷയിൽ നിശ്ശബ്ദമായി പതുക്കെ ഒന്നന്നര മണിക്കൂർ വനത്തിൽ ഞാനും മക്കളും ഒരു ദിനം .മാനിനെ പോയിട്ട് ഒരു പുള്ളിനെ പോലും കാണാൻ പറ്റാതെ തിരിച്ചു നടന്ന് ഇളവെയിലിൽ തളർന്നു കാടിന്റെ നടുക്കുള്ള റോഡിൽ തണൽ  പറ്റി കാടിന്റെ പുറത്തേക്കു നോക്കി നിരാശയിൽ ഇത്തിരി ഇരുന്നു.ഒന്നു തിരിഞ്ഞു നോക്കിയപ്പോൾ നിശ്ശബ്ദമായി പുറകിൽ  അഴകിന്റെ നിറച്ചാർത്തായി മൂന്നു പുള്ളിമാനുകൾ .മക്കളെ കാണിച്ചു കൊടുത്തു .ഒരു ഫോട്ടോ ക്ലിക്ക് ചെയ്യല് തുടങ്ങുമ്പോഴേക്കും അവ സ്ഥലം വിട്ടു .മറക്കാൻ പറ്റാത്ത സ്നേഹമാണ് കാടിനു.ഉള്ളിലുള്ള ഭംഗി മുഴുവൻ ഒന്നു കാണിച്ചു തന്ന പോലെ.

 കാടിന്റെ ആത്മാവിൽ നിറയെ സ്നേഹവും കാരുണ്യവുമാണെന്നും പ്രകൃതി ഒരു ദിവ്യശക്തിയാണെന്നും ക്ലാസ്സുകളിൽ പറയാൻ നിങ്ങൾക്ക് കഴിയട്ടെ .

 ഒരു കാര്യം കൂടി .പുതുതലമുറയോട്  സംവദിക്കാൻ ഈ ചിത്രങ്ങൾ ഏറ്റവും ഫലപ്രദമാണ് .ഒരു ചിത്രം ആയിരം വാക്കുകളേക്കാൾ ഫലപ്രദമാണ് .ചലിക്കുന്ന ചിത്‌ ത്രങ്ങൾ, ഡോക്യൂമെന്ററികൾ ഒക്കെ ഉചിതമായി ക്ലാസ്സ്മുറികളിൽ ഉപയോഗപ്പെടുത്തുക .മറ്റൊരു സംവിധാനമാ ണ് ബ്ലോഗുകൾ .http://savenaturesavemotherearth.blogspot.com/ എന്ന പേരിൽ പ്രകൃതി സംരക്ഷണ പ്രവർത്തനങ്ങളെ പൊലിപ്പിച്ചു കാണിക്കുന്ന ഒരു ബ്ലോഗ് ഞാൻ ചെയ്യുന്നുണ്ട് .നിങ്ങൾ എത്ര പേർക്ക് ഒരു ബ്ലോഗ് തയ്യാറാക്കാനറിയാം ? ഒരു അദ്ധ്യാപിക /അദ്ധ്യാപകൻ ഇപ്പോഴും അറിവ് പുതുക്കകയും നവമാധ്യമങ്ങളടക്കം പുതിയ സങ്കേതികകൾ സ്വായത്തമാക്കുകയും വേണം .ശരിയായ വിധത്തിൽ അറിവു കുട്ടികളിൽ എത്താൻ ഇത്തരം സംവിധാനങ്ങൾ എല്ലാം ഉപയോഗിക്കണം .ജയേഷ് ഒൻപതാം ക്ലാസ്സു വരെ മാത്രം പഠിച്ച ആളാണ് .നിങ്ങളുടെ ക്‌ളാസ്സിൽ ചില കുട്ടികളെങ്കിലും ജയേഷിനെ പോലെയുള്ളവരായിരിക്കും.സമവാക്യങ്ങളോ പദ്യങ്ങളോ മനഃപാഠമാകാൻ കഴിയാത്തവർ.താൽ പ്പര്യമില്ലാത്തവർ.പക്ഷെ അവർക്കു ക്രിയാത്‌മകമായി ചെയ്യാൻ കഴിയുന്ന മറ്റു പല മേഖലകളും കാണും .അത്തരത്തിലുള്ളവരെയും ഉൾക്കൊള്ളുന്ന വിധത്തിൽ ക്ലാസ്സെടുക്കാൻ നമുക്ക് കഴിയണം .കഴിയട്ടെ എന്ന് പ്രത്യാശിച്ചു കൊണ്ട് ,പ്രകൃത്യുപാസകനായ ജയേഷ് പാടിച്ചാലിനു ആശംസകൾ നേർന്നു കൊണ്ട് -