ആരെ തെരഞ്ഞെടുക്കണം ?

ആരെ തെരഞ്ഞെടുക്കണം  ?

മനുഷ്യരുടെ വരും തലമുറകൾക്ക്  കൂടി  നല്ല ജീവിതം ഉറപ്പുവരുത്തുന്ന ടീമിനെ .

ഇന്ത്യൻ ഭരണഘടനയെ അംഗീകരിച്ചു പ്രവർത്തിക്കുന്നവരെ .

വോട്ടിനു പണം വാഗ്ദാനം ചെയ്‌തിട്ടില്ലാത്തവരെ .

പരിസ്ഥിതി സംരക്ഷണത്തെ കുറിച്ച് ഒരു വരിയെങ്കിലും സംസാരിക്കുന്നവരെ .

കർഷകന്റെ സമരങ്ങളെ പിന്തുണക്കുന്നവരെ .

ശാസ്ത്ര വിവരങ്ങൾ നാട്ടിന്റെ പുരോഗതിക്കും സുരക്ഷക്കും ഉപയോഗിക്കുന്നവരെ .

അന്ധ വിശ്വാസങ്ങൾ പരത്താത്തവരെ . / വളണ്ടിയർ പ്രവർത്തന ങ്ങൾക്ക് നിങ്ങളുടെ നാട്ടിൽ നിങ്ങളുടെ കൂടെ ഉണ്ടായിരുന്നവരെ .

ഇവരെ നിങ്ങൾക്ക് വിശ്വസിക്കാം .ഗ്രാമ ഭരണത്തിന് ധൈര്യമായി അവരെ ചുമതലപ്പെടുത്താം .

എങ്ങിനെ കള്ളനാണയങ്ങളെ തിരിച്ചറിയാം ?

1 .അവർ നിങ്ങൾക്ക് വീട് വെച്ച് തരാൻ കാശു തരാമെന്നു ഉറപ്പു പറഞ്ഞോ ? പറഞ്ഞെങ്കിൽ  അയാൾ കള്ളനാണയമാണ് .ശ്രമിക്കാമെന്നു പറഞ്ഞെങ്കിൽ  അയാൾ ശരിയാണ് . ( അങ്ങിനെ  ഒരു മെമ്പർക്ക്  മാത്രമായി അത് തീരുമാനിക്കാൻ  പാടില്ല .പഞ്ചായത്തു ഫണ്ട് , മുൻഗണനാ ക്രമം നോക്കിയാണ് നൽകുക .നിങ്ങളേക്കാൾ അർഹതയുള്ള ,മറ്റൊരാൾ ഉണ്ടെങ്കിൽ അവർക്കാണ് അത് ലഭിക്കേണ്ടത് .)

2 .വോട്ടിനു പണം തന്നോ ? തന്നെങ്കിൽ അവർ കള്ളനാണയമാണ് .അയാൾക്ക്‌ വോട്ടു ചെയ്യരുത് . ( ആ  പണം  അവർ  ഏതെങ്കിലും പദ്ധതിയിൽ നിന്ന് കയ്യി ട്ടു വാരും .ആ പദ്ധതി കുളമാകും .പാലാരിവട്ടം പാലം പോലെ )

3 . പരിസ്ഥിതിയെക്കുറിച്ചു സംസാരിച്ചോ ? പ്ലാസ്റ്റിക് ശേഖരണ പ്രവർത്തനങ്ങൾ പോലെ ഏതെങ്കിലും പരിസ്ഥിതി സംരക്ഷണ പ്രവർത്തനത്തിന്റെ ഭാഗമായി നിങ്ങളുടെ പ്രദേശത്തു പ്രവർത്തിച്ചോ ? എങ്കിൽ  അയാൾക്ക്‌ വോട്ടു ചെയ്യുക . ഇല്ലെങ്കിൽ  പരിസ്ഥിതി  സംരക്ഷണ പ്രശ്നങ്ങളിൽ അവരുടെനിലപാട് / അവരെ പിന്തുണക്കുന്നവരുടെ നിലപാട്  മനസ്സിലാക്കി  മാത്രം വോട്ടു ചെയ്യുക .(  നാളെ ക്വാറികൾ അനുവദിക്കുമ്പോൾ , മാലിന്യ നിർമാർജ്ജന പദ്ധതികൾ വരുമ്പോൾ , പലരും  പുഴകളിൽ മാലിന്യം  ഒഴുക്കുമ്പോൾ , നമ്മുടെ കൂടെ നിന്നു തീരുമാനമെടുക്കേണ്ടതു ഈ ചങ്ങാതിയാണ് . പരിസ്ഥിതി സംരക്ഷണത്തിന്  മുൻഗണന നൽകിയുള്ള വികസനമാണ്  സുസ്ഥിര വികസനം .അതാണ്  നമുക്ക് വേണ്ടത്. )

4 .  അയാൾ മതങ്ങൾക്കുമുപരിയായി മനുഷ്യസ്നേഹത്തെ അടിസ്ഥാനപ്പെടുത്തി പ്രവർത്തിക്കുന്ന രാഷ്ട്രീയ ത്തിന്റെ ഭാഗമാണോ ? എങ്കിൽ അയാൾ വോട്ടിനു അർഹനാണ് .(ഏതെങ്കിലും ഒരു മതാധികാര സംഘടനയുടെ നിയന്ത്രണത്തിലായുള്ള ആളാണോ ? അയാൾ ആ മതത്തിന്റെ അധികാരികളുടെ തീരുമാനമാണ് , അത് മാത്രമാണ് ഗ്രാമത്തിൽ നടപ്പിലാക്കുക . )പോലെ 5 .കോവിഡ് / ഡെങ്കിപ്പനി പ്രതിരോധ പ്രവർത്തന ങ്ങളുടെ വളണ്ടിയർ ആയി നിങ്ങളുടെ ഗ്രാമത്തിൽ കഴിഞ്ഞ അഞ്ചു വർഷം ഏതെങ്കിലും സമയത്തു അയാൾ ഉണ്ടായിരുന്നോ ? ദുരന്ത പ്രതിരോധ സേനയിൽ അംഗമാണോ ? എങ്കിൽ വോട്ടുകൊടുക്കാം .( അല്ലെങ്കിൽ ആദ്യം അയാൾ വളണ്ടിയർ പ്രവർത്തന ങ്ങളിൽ പങ്കെടുക്കട്ടെ!)

6 . സ്ത്രീ ശാക്തീകരണ പ്രവർത്തന ങ്ങൾക്ക്  മുൻഗണന  നൽകുന്നുണ്ടോ ? അയാളുടെ വീട്ടിൽ സ്ത്രീ  സമത്വം  ഉണ്ടോ ? ഉണ്ടെങ്കിൽ വോട്ടു  നൽകുക  (ഇല്ലെങ്കിൽ സ്വാതന്ത്ര്യം നല്കുക !)

7 .ശാസ്ത്ര പ്രചാരണ  പ്രവർത്തന ങ്ങളിൽ  പങ്കെടുക്കുന്നുണ്ടോ ? അല്ലെങ്കിൽ ശാസ്ത്ര ബോധത്തോടെ ജീവിക്കുന്നുണ്ടോ ? ഉണ്ടെകിൽ വോട്ടു നല്‌കുക .( അങ്ങിനെയെല്ലെങ്കിൽ നാളെ അയാൾ ട്രംപിനെ പോലെ അശാസ്ത്രീയമായി തീരുമാനങ്ങളെടുക്കും .പകർച്ചവ്യാധികൾ വന്നു ആളുകൾ ഈയാം പാറ്റകളെ ചത്തൊടുങ്ങിയാലും സ്വന്തം ലാഭവും ബിസിനസ്സും നോക്കി കഴിയും.)

8 . കർഷക പ്രശ്നങ്ങളിൽ ഉചിതമായി ഇടപെടുന്നുണ്ടോ ? കൃഷിയെ പ്രോത്സാഹിപ്പിക്കുന്നുണ്ടോ ? ഉണ്ടെങ്കിൽ  വോട്ടു ചെയ്യുക .( കർഷകനാണ് നാടിന്റെ നട്ടെല്ല് . കർഷകന്റെ ജീവിതം മെച്ചപ്പെടുത്തുകയാണ് വേണ്ടത് . കോർപ്പറേറ്റുകളെ സുഖിപ്പിക്കുകയല്ല )

9 . . നിരന്തരം പുകവലിക്കുകയോ മദ്യപിക്കുകയോ അത്തരം മറ്റു ദുശീലങ്ങൾ ഉള്ള ആളാണോ ? അയാൾക്ക്‌ വോട്ടു ചെയ്യാതിരിക്കുക ( സ്വയം ചികില്സിക്കാനേ അയാൾക്ക്‌ നേരം കാണുകയുള്ളു.)

ആശംസകൾ . നല്ലോരു സ്ഥാനാർത്ഥിക്കു വോട്ടു ചെയ്യാൻ നിങ്ങൾക്ക് കഴിയട്ടെ .ഓർക്കുക .വോട്ടു ചെയ്യുക തന്നെ വേണം . നാളെ നിങ്ങളുടെ ജീവിതം നിർണയിക്കുന്നത് ഈ സ്ഥാനാർത്ഥിയുടെ / അവരെ പിന്തുണക്കുന്ന പ്രസ്ഥാനത്തിന്റെ കൂടി തീരുമാന ങ്ങളാണ്‌ . മികച്ച ഒരു ഗ്രാമപഞ്ചായത്തു നമുക്കും വേണ്ടേ ?