പ്രതിരോധം BY KP NARAYANAN ;വധമല്ല ,മതമതു സഹിഷ്ണുത BY CKR

കവിത

              -----------

    ✌️ പ്രതിരോധം ✌️

           - - - - - - - - - -

     മനസാലാടുക്കാം -

അകലത്തിരിക്കാം,

കരുതലായിനിൽ -

ക്കേണ്ട കാലം ,

ഇത്പ്രതിരോധം തീർ-

ക്കേണ്ട കാലം -----

     ആഘോഷമെല്ലാം -

മനതാരിൽ മാത്രം -

വിരിയും കിനാവി-

ന്റ കാലം,

 ഇത് പ്രതിരോധ -

 സൂര്യപ്രകാശം - - - - -

      ഇരുളിന്റെ പാളി -

കൾക്കപ്പുറത്താ

യൊരു,

ഉഷസന്ധ്യ മാടി വിളി -

ക്കുന്നു നമ്മെ ,

പ്രതിരോധ മാവട്ടെ

കരുതലായി സ്നേഹം,

ജീവന്റെ വിലയുള്ള -

കരുതൽ ----- 

     മറവിയിൽ

മായാത്ത കാലം,

ഇന്ന് ദുരിത മഴ -

തോരാത്ത കാലം,

തെളിയുന്നൊരമ്പരം -

പുലരിയെ പുൽകാൻ,

നിറച്ചാർത്തുമായി വ- ന്നരികിലായെത്തവെ ,

ഒരുമിച്ചു വാഴാൻ -

ഒരുമയോട കലാം,

ഇരുളിന്റ പാതയിൽ -

വഴിവിളക്കാവാം------

രചന:

കെ.പി.നാരായണൻ,

94 47 28 60 16.

വധമല്ല ,മതമതു  സഹിഷ്ണുത by CKR 

 അടിമ ജന വിമോചന മുന്നണി പ്പോരാളി 

അഗ്നിവേശ് സ്വാമി  ജ്വലിക്കുന്നതെപ്പൊഴും 

അമർനാഥിൽ ശിവ രൂപമഞ്ഞിൻശിലകളെ 

മഞ്ഞുമാത്രമെന്നോതിയൊരോതിക്കോൻ  .

പുരിയിൽ ജഗന്നാഥന്നമ്പലനടവാതി--

ലെല്ലാർക്കുമായി  തുറക്കാൻ പറഞ്ഞവൻ .

നീതി ദേവത കാശ്മീർ മലകളിൽ 

നിർദ്ദയം വിവസ്ത്രയാക്കപ്പെടുമ്പോൾ ,

നിര്ഭയമെതിർത്തു കല്ലേറു വാങ്ങിയോൻ .

അസുര ജന പീഡയിലവസാനശ്വാസം വലിച്ചവർ -

മുഹമ്മദ് അകലഖിനും  പഹ്‍ലുഖാനും തുണയായി നിന്നവൻ .

സ്വന്തം ശിരസ്സിനു ദശലക്ഷം വില പേശുവോർ മുൻപിലും 

അസുരരെയടക്കണമെന്നതിധീരമുറക്കെപറഞ്ഞവൻ  .

പലമതസാരമേകമെന്നേറെ വിശ്വവേദികളിൽവാദിച്ചവൻ  ,

പാർശ്വവൽകൃതർക്കായി വെയിലേറ്റലഞ്ഞവൻ ,

നാഗരിക തീവ്രവാദിയെന്നസുരർ കരുതുവോൻ ,

ധന്യവാദ് സിന്ദാബാദെന്നു യാത്ര ചോദിപ്പിവൻ .

ആൾക്കൂട്ടപീഢകരസുരർ 'സനാതന' സംഘങ്ങൾ 

ധാബോൽക്കറെ, പൻസാരെയേ 

കൽബുർഗിയെ ,ഗൗരിലക്ഷ്മിയെ,യൊടുക്കാൻ നടന്നവർ 

അവരോടുചൊല്ലുന്നഗ്നിജ്വാലയായ് സംന്യാസി ജീവിതം 

വധമല്ല ,മതമതു   വാദം പ്രതിവാദം, സഹിഷ്ണുത.